湯火功夫麻辣燙 (已結業)

行经铜锣湾，见到有间装修得几靓既川式野。好耐无食过麻辣烫，其他菜式又食到厌厌地，就试下新野喇！ 舖头装修得几别致，楼底好高所以显得空间感多。座位之间都有好阔既空间，坐得舒服，又唔怕太嘈。最紧要舖头睇落够干净企理，好多平价川式野都有种污糟既感觉，难得呢间坐得咁舒适。 我地差唔多傍晚去，唔算好多人。侍应岀餐几快手，无耐就有野食lu。 我叫咗一个蕃茄麻辣烫。我唔系好食得辣，所以叫咗蕃茄汤底，但朋友试咗麻辣汤，觉得个汤底好好味！我就好奇试一试摆系隔离既麻椒油，果然真系好好味～虽然麻，但佢唔算辣，而且仲有一种独特既香气系到，一试难忘。