盛記酒家

营业中

休息中

今日带老爷奶奶去位于湾仔的盛记海鲜酒家食晚饭，地方唔大，但整洁干净。今日叫左个例牌乳猪，烧乳猪系呢间酒楼嘅招牌菜，用两块陈饼夹住乳猪皮嚟食，呢个怀旧食法好耐冇试过，乳猪皮脆到发嗦嗦声，真系超正。木瓜煲猪踭汤，清甜滋润，奶奶话饮落一啲味精都冇落，真材实料,饮左三大碗👍‌游水大班两味，碧绿翡翠炒球，炒得非常香滑件件啖啖肉,够获气，金银蒜蒸头腩够晒惹味。好正啊！自己喺屋企做唔到呢个效果。‌肉丝炒米粉，米粉唔知厨师是煎定炸，好香脆，配埋嫩滑嘅肉丝假超好味嘅芡汁,平凡菜色都变唔平凡。豉油王虾碌,用新鲜海中虾炸过后再用秘制头抽爆炒,食到手指都要舐埋🤣🤣