廚十三老壇酸菜魚 (渣甸街) (已結業)

约咗阿哥同阿嫂食晚饭，突然之间想食酸菜鱼，咁就揾咗呢间度食。佢店内嘅环境其实唔错 ，用咗好多檀仔做装饰品，而且座位系梳化物料嚟嘅 ，枱同枱之间都有足够嘅空间，唔会话太迫劫。 老坛酸菜鱼(大份) $478呢度既酸菜鱼就系佢嘅主打菜式，叫咗个正常嘅辣度，点知就出事啦。正常嘅辣度都好鬼辣，我哋三个人都唔系太接受到，要一边食一边系咁饮水。汤底净系食到辣味，少少酸味都唔系太食到，唔知系咪我已经辣到冇咩味觉。至于啲鱼片其实系ok嘅，分量都够，而且都几滑。如果下次真系要嚟再试可能要叫少少辣啦。 酥炸无面男 $88呢样系炸猪肉条，整体嚟讲都系一般般。食落口系脆嘅不过已经唔够热，而且冇咩味，要加啲辣椒粉增加少少味，而且份量感觉比较少。