Bella Kitchen (已結業)

下午时份，又想坐得舒服少d人食下野倾下计！朋友系铜锣湾工作多时，紧系揾她介绍介绍！去左bella kitchen，位于渣甸中心八楼，入到去，可能系平日下午时分，真系冇乜客人，嗌左四样食物！红菜头蔬果香草核桃沙律，好清新，蔬果好新鲜，有青提子好甜，核桃都好香好有咬牙！牛油果温室青瓜甘荀米纸卷，味道好清，加左特制酱汁就好味得好！入面有青瓜丝萝卜丝爽口得嚟，入面嘅牛油果又有软身嘅口感，几好食！有机红菜头西兰花蕃茄意大利饭，d米饭较有口感，都几好食！而红菜头都好甜好爽口，素食者同女仔就岩晒！烧西班牙猪排骨配烧烤汁，食得多菜都要食下肉！虽然系猪，但烧得好嫩，好滑，下面有薯容，好好食，因为入晒烧猪嘅味道！食完饱晒！！呢间服务，环境，食物都吾错，坐得又够舒服，岩晒女仔朋友同情侣丫！