Wish You A Mamaday (已結業)

<Wish You A Mamaday> 听几个朋友都介绍过，今次终于抽到时间去食！餐厅位于铜锣湾市中心，出地铁站三分钟就到，位置非常方便一踏入餐厅，就见到墙身布满住欧美既人像摆设同搞鬼金句，我同朋友都被新颖创意既装饰吸引住！正当我地忙住影相打卡既时候，服务员就递上Menu同推介菜式，估唔到连食物同饮品既名都大玩‘食字’，真系玩味十足！<波士顿龙虾意大利饭> 一上菜就比佢大大只龙虾吸引，估唔到唔止睇得，仲食得！一大条厚厚既龙虾肉轻易取出，食落啖啖肉，肉质爽口，味道鲜甜惹味。限定菜式<吉列你只牛> 岩晒打卡！吉列牛扒，温泉蛋饭同网烧分开上枱，由自己放肉上去烧，生熟程度由自己话事。我好钟意呢种网烧既食法，唔似一般铁板烧咁大烟咁油腻，相反，只需将肉既每一面轻轻一烧就食得。味道方面，吉列牛入口嫩滑，每咬一口都充满香浓肉汁至于甜品紫薯窝夫，一黎到已经闻到好香新鲜烘起既窝夫味！整道甜品结合香滑云呢拿雪糕，香浓紫薯泥同香脆窝夫，味道清新，甜甜地但完全不漏。整体价钱性价比高，有得打卡，食物味道又不错，下次一定会再黎