影片
更多
2017-07-17
105 浏览
好耐冇食过正宗既日式拉面，听讲呢间系几多人推荐既，一于就黎试下啦~成间铺用左木头做主调，系切切实实既和风style，几有feel~成碗面好人性化，面要有几软，汤要有几浓，走唔走葱或木耳，油唔油，都可以自己话事，跟返自己既喜好，每碗都与众不同。特盛叉烧溏心蛋酱油豚骨汤拉面 $88面拣咗中软，汤都要左普通浓度，同埋少油。好钟意佢嘅 面质，好有口感，有弹性，唔会话煮到烂晒。汤好适合我呢啲重口味人，就算拣左普通浓度，都已经浓过出面果啲多多声，极足料，但系就算简左少油，对我黎讲，都系偏油。豚肉整得好靓，唔会烟韧难咬，仲食到淡淡既酱油味既，唔错。成碗面最钟意食佢既溏心蛋，真心正到爆，带少少卤水味，最重要系有好靓既流心，超正！一定要试。辛口叉烧糖心蛋酱油豚骨汤拉面 $78同上面果碗冇咩分别，系多左少少辣椒酱，其他野基本上一样，不过佢既辣椒酱几好食，就咁食左啖，唔系话好辣，几香，自己几钟意既，不过同汤捞匀咗，个辣椒味就唔系好突出，变得冇咁特别。可以试下既，都算唔错既日式拉面。
成间铺用左木头做主调，系切切实实既和风style，几有feel~
成碗面好人性化，面要有几软，汤要有几浓，走唔走葱或木耳，油唔油，都可以自己话事，跟返自己既喜好，每碗都与众不同。
特盛叉烧溏心蛋酱油豚骨汤拉面 $88
面拣咗中软，汤都要左普通浓度，同埋少油。好钟意佢嘅 面质，好有口感，有弹性，唔会话煮到烂晒。汤好适合我呢啲重口味人，就算拣左普通浓度，都已经浓过出面果啲多多声，极足料，但系就算简左少油，对我黎讲，都系偏油。豚肉整得好靓，唔会烟韧难咬，仲食到淡淡既酱油味既，唔错。成碗面最钟意食佢既溏心蛋，真心正到爆，带少少卤水味，最重要系有好靓既流心，超正！一定要试。
辛口叉烧糖心蛋酱油豚骨汤拉面 $78
同上面果碗冇咩分别，系多左少少辣椒酱，其他野基本上一样，不过佢既辣椒酱几好食，就咁食左啖，唔系话好辣，几香，自己几钟意既，不过同汤捞匀咗，个辣椒味就唔系好突出，变得冇咁特别。
可以试下既，都算唔错既日式拉面。
张贴
