U@Cafe (已結業)

近来钟意瓹窿瓹罅揾野食，今次去咗佐敦既cafe食tea。点咗岩烧火焰吐司同开心果朱古力蛋糕，饮有机姜黄茶同美果洋甘菊花茶。套餐既关系所以仲会有脆脆条~吐司系即叫即整，上碟既时候香气四溢。吐司面层有厚厚既芝士同柚子酱，切开仲见到肉松同咸蛋碎。一开始食满满柚子酱既香甜，慢慢就食到肉松咸蛋碎，冇谂过柚子酱既甜加埋其他野一齐食系毫无违和感！开心果朱古力蛋糕外面用榛子同开心果作点缀。内层有惊喜，底部仲加咗薄薄既海绵蛋糕，口感非常丰富。脆脆条系原味同紫菜味，咬落香脆。原味甜甜地，最欣赏系佢地既食物好天然，唔会加任何防腐剂或者人工既野。两块曲奇都系紫菜味，食落唔太油👍🏻有机姜黄茶同美果洋甘菊花茶味道香浓，职员好细心，见我地差唔多饮完帮我地添加。