ReDivine (CAPRI Place) (已結業)

老公情人节病左，无出去庆祝，今晚佢带我黎呢度补返数。餐厅门面有红玫瑰做装饰，内里环境吹峇里风，灯光淡黄，几有情调。餐厅选择都唔少，老公发办叫左个沙律、串烧拼盘、烤鸡同甜品。鱿鱼青木瓜沙律：有青木瓜丝同红萝卜丝，食落好有口感，鱿鱼爽口。酱汁系青柠汁再左辣椒，整体清新，酸酸辣辣，真系几醒胃。串烧拼盘：猪牛鸡各两串，每款腌得几入味，烧得好香，肉好软熟，咬落多肉汁。沙嗲酱味道都几好，带少少甜味，点埋仲好食。自家制青瓜乳酪酱。印度烤烧春鸡。蟹籽沙律：沙律系椰菜，本身已爽口，加埋蟹籽就脆卜卜。烧春鸡烤得刚刚好，肉嫩juicy，带微辣，够味唔太咸。旁边有青瓜乳酪酱，味道清新，同鸡一齐食无咁油腻。意大利芝士饼：口感幼滑唔太甜，旁边仲有雪糕、朱古力脆脆同埋生果做伴碟，估唔到甜品都几唔错。