露面手工拌麵料理

最近发现咗呢间面店，嘢食真系好有水准，尤其系佢哋嘅手工面今次我哋叫咗几款招牌面，首先讲嫩鸡白布汤阔面。汤底清甜鲜美，鸡肉嫩滑多汁，啲阔面就手工拉制，韧性十足又够幼滑，配埋个香茅香水柠檬茶，清新提神！油泼辣子鲁肉BiangBiang面就最啱重口味嘅朋友，我哋叫咗小辣，辣度啱啱好。鲁肉软绵香浓，啲面带劲又有嚼头，辣子香气四溢，香而唔呛，配埋个小吊梨茶，醒胃解腻一流！另外套餐仲配咗个青瓜小食，手拍小青瓜爽脆可口，开胃解腻一流！牛骨汤饺子面套餐真系十分抵食！牛骨汤熬到浓郁香甜，饺子馅料够实在，皮薄馅靓。四只白菜饺嘅馅料够爽口，皮就薄得剔透最后讲埋个西施炖蛋，质地滑如豆腐花，蛋香味十足整体嚟讲，呢度嘅嘢食真系水准之作，最紧要系觉得好有诚意。店面虽然细细，但胜在清洁企理，啲嘢食上枱都快，服务态度都几好。