樂園魚旦專家 (電氣道)

营业中

休息中

今朝一早食咗个包就到而家再去揾嘢食，已经系下午茶时间三四点，天口又热，又赶住返屋企有野做，想嗱嗱临买咗嘢食，就即刻冲返屋企，好想食牛腩面，就拣咗呢间乐园。好多选择，有面食，有饭，仲有得买火锅配料。舖头入面干净企理，冷气够，好舒服，不过赶住返屋企所以冇喺度堂食。侍应姨姨好有礼貌，帮我落完单，好快就攞到餐啦！因为太肚饿，拣咗佢嘅牛三宝幼面，有牛肚，崩沙腩，牛筋，咁热一定要加杯冻柠茶啦，唔错，下午茶时间加$5就有一杯😆一打开个盖，劲香，好开心呀，好大碗面，好多𩠌！佢嘅汤头好好味呀，我饮咗好多汤，但系冇颈渴！仲有，面质好弹牙同夹口！佢嘅牛筋煮到林晒，入口就系啫喱嘅感觉，好入味！仲有牛肚，我都好钟意呀！最欣赏佢嘅崩沙腩，牛味十足，肉质软林林，已经谂定下一次都要食返呢个牛三宝面！