影片
更多
2015-01-22
1457 浏览
导师从肯雅返嚟述职，匆匆又要回去，所以，一班朋友趁佢离开前一个星期，设席饯行，并顺道帮佢庆生 。就佢方便，就选上佢家附近嘅「泰阁」，其实，对其他人都一样方便，因为餐厅就晌油麻地港铁站傍，近在咫尺。泰阁，无论门面、室内，都一派型格，一室芥辣黄皮椅，已经抢眼非常，木条屏风、木地板、泰式木雕，虽然都有点「神神佛佛」嘅摆设，但不失摩登。除咗卡位，四或六人枱之外，仲有两张10人大圆枱，方便一大棚人倾偈 。正值入秋，天气都凉咗好多，几款应节嘅冬日窝心饮品，都喺值得一试嘅热饮。印刷精致嘅餐牌中，菜式共分为10类，包括沙律、汤类、海鲜、咖喱、蔬菜、肉类、饭类、面类、饮品及甜品，另加一个近期新推嘅厨师推介餐牌。虽然有套餐供选择，大家想散点较自主。 金柚子鲜虾球沙律 $98 泰国金柚拆得大大嚿，清甜多汁，苦涩味轻，虾肉鲜甜爽口，加埋花生粒、鱼干仔、干葱、辣椒碎，酸香醒胃、又带点咸咸、辣辣，有口感，有层次。 冬荫功 $168 冬荫功汤有大细之分，前者为2人份（$88），后者为4-6人份（$168），不过，我哋点个大嘅，分完8小碗，都仲可以多添两碗，所以10个人都够晒饮。而且，亦可要求减辣
泰阁，无论门面、室内，都一派型格，一室芥辣黄皮椅，已经抢眼非常，木条屏风、木地板、泰式木雕，虽然都有点「神神佛佛」嘅摆设，但不失摩登。除咗卡位，四或六人枱之外，仲有两张10人大圆枱，方便一大棚人倾偈 。
正值入秋，天气都凉咗好多，几款应节嘅冬日窝心饮品，都喺值得一试嘅热饮。
印刷精致嘅餐牌中，菜式共分为10类，包括沙律、汤类、海鲜、咖喱、蔬菜、肉类、饭类、面类、饮品及甜品，另加一个近期新推嘅厨师推介餐牌。虽然有套餐供选择，大家想散点较自主。
金柚子鲜虾球沙律 $98 泰国金柚拆得大大嚿，清甜多汁，苦涩味轻，虾肉鲜甜爽口，加埋花生粒、鱼干仔、干葱、辣椒碎，酸香醒胃、又带点咸咸、辣辣，有口感，有层次。
金柚子鲜虾球沙律
$98
109 浏览
0 赞好
0 留言
冬荫功汤有大细之分，前者为2人份（$88），后者为4-6人份（$168），不过，我哋点个大嘅，分完8小碗，都仲可以多添两碗，所以10个人都够晒饮。而且，亦可要求减辣。橙红嘅冬荫功汤，酸辣醒神，又唔呛喉，汤内有鲜虾、草菇，又混入重重泰式香料，味道复杂富层次。
冬荫功
$168
91 浏览
0 赞好
0 留言
喺厨师推介餐牌嘅菜式之一，虽则唔算话好有泰国特色，但炒蛋无炒得过老，蚝仔又够肥美，蘸一点泰国辣酱，辣味更能吊起蚝鲜。虽然本身都唔算炒得油腻，但加埋垫底嘅银芽同食，口感更清爽。
铁板蚝仔炒蛋
$88
55 浏览
0 赞好
0 留言
另一道厨师推介餐牌嘅菜式，卖相比餐牌做得更靓。鲜黄色嘅红咖喱喺「一只辣椒」辣度，所以，辣得轻微，应该大部人都接受到，不过，如想揾多点刺激，可要求加辣。红咖喱惹味得嚟渗有点点泰式香草味，海鲜有青口、鱿鱼、鱼柳同鲜虾，用料不赖，当然唔好轻易错过啲南瓜，瓜壳内刮吓刮吓有唔少肉食，又粉又甜。
南瓜红咖喱海鲜
$118
88 浏览
0 赞好
0 留言
点一客咖喱大家又点够喉吖？泰式咖喱又红又黄，唔少得青咖喱一份，椰汁青咖喱可配猪、牛、鸡或杂菜。个咖喱色泽青青绿绿，淋上少少鲜椰汁，插樖金不换，望落清新怡人，完全会忽略咗佢个辣度。幸而个青咖喱辣度温和，除有唔少爽滑嘅鸡肉，更加有大量青豆角、泰式茄子作伴菜，所以，整体个感觉较清爽健康。
椰汁青咖喱鸡
$88
48 浏览
0 赞好
0 留言
两客咖喱菜式一定剩番唔少咖喱汁，配白饭当然精明唔嘥料，不过，揾牛油酥饼及蒜蓉包沾咖喱汁喺咪更上算呢？牛油酥饼酥酥软软，小片小片蘸红咖喱，简单味美；而青咖喱搭蒜香，滋味倍增，再者，法包烘得松脆，岂可唔争住食吖。
牛油酥饼（3块）$35、蒜蓉包（5件）$35
61 浏览
0 赞好
0 留言
明炉鱼泰式、越式都有，做法相近，在乎味道配搭。一大条乌头之上，放咗好多配料，如干葱、青葱、金不换、芫茜、青柠……等等，待一滚起，香气四溢 。鱼肉质嫩，好有鱼味，沾沾汤，酸酸辣辣，味道纷陈，另备一小兜酱汁，唔点都够晒风味。
泰式明炉鱼
$188
143 浏览
0 赞好
0 留言
泰式咸肉有啲似我哋常食嘅烧肉，算唔上好特别，胜在咸香，令椰菜苗更惹味；而椰菜苗炒得爽脆，有嚼头，唔知嘅人可能会觉得佢有啲硬，正如西芹炒得过腍都唔好食。
泰式咸肉椰菜苗
$82
67 浏览
0 赞好
0 留言
卖相绝对喺平平无奇，不过，果然喺真人不露相。餐牌内有成10多款饭品，可谓各具特色，经理推介嘅香焗芋头饭，饭内混和咗香芋、肉碎、冬菇、西芹、虾仁、腰果……，每一啖都口感丰富，饭粒软绵，真喺无介绍错。
香焗芋头饭
$93
96 浏览
0 赞好
0 留言
因为我哋已预备咗一个庆生小蛋糕，所以，最后嘅甜品环节要一客细嘅甜品拼盘可以喇。拼盘包括：椰丝芝麻糯米糍、椰汁木薯、椰汁千层糕、椰汁大菜糕及椰汁西米糕，以口感如蕃薯嘅木薯较少食，所以觉得特色啲，此外，糯米糍糁上鲜椰丝及炒香嘅芝麻，味道宁舍天然鲜香 。
泰式甜品拼盘
$48
67 浏览
0 赞好
0 留言
张贴
