川之源

营业中

休息中

今日黎左呢间西营盘既川之源食午餐，呢度既四川菜系有辣有唔辣，适合好辣同唔好辣既人士一齐黎食饭。午市单人套餐有十三款𩠌拣，价钱$75或者$78，包白饭一碗，同汽水或者桂花冰粉。跟餐可以加钱要小食，又可以加钱升级餐饮，如豆浆同酸梅汤。午市无加一服务费。红烧牛肉 $78呢道红烧牛肉热辣辣上枱。有十旧牛肉左右，唔细旧，质感够腍，连筋好食。我哋叫左BB辣，辣度惹味，其他配料仲有腍腍薯仔同几片辣椒。糖醋里脊 $78糖醋里脊个汁甜甜酸酸好开胃，食到醋味。炸皮唔粉又唔算太厚，啖啖肉，食落又爽又脆唔觉肥。最后撒上葱花。酸豆角炒肉碎 $78酸豆角炒肉碎有好多豆角粒，加上少量肉碎，辣椒，葱，蒜，同花椒一齐炒，食落酸酸麻麻辣辣。白饭 (跟餐) 白饭一大碗，够食饱。桂花冰粉 (跟餐)  桂花冰粉系桂花糖水配川式啫哩。冰粉好滑，个糖水少甜好清甜，带微微桂花香，解辣正！大和豆浆 跟餐加$4 冻大和豆浆一大支，味道少甜，豆味唔假。 茶水系玄米茶，居然唔收茶钱。总括而言，午餐非常经济。