川之源

营业中

休息中

之前黎过川之源食午餐，今晚第一次黎食晚饭。晚市餐牌有招牌菜，凉菜，干煸类，香辣类，泡椒，鱼香，家常类，不辣类，炒菜小食，主食，汤，甜品。今日叫左两道菜试试。茶水系玄米茶，好饮呀，居然唔收茶钱。樟茶鸭 半只 $178 另加一呢道菜系招牌菜，果然系正！樟茶鸭上枱热辣辣，皮脆肉嫩，脂肪唔多，味道咸香，又唔会过咸，绝对要连皮食，非常香口。总括而言，超水准。红烧牛肉 $138 另加一呢道菜系人气推介，味道真系唔错。红烧牛肉有十旧左右，算唔细旧。质感算腍，连筋部份特别好食。我哋叫左少辣，辣度啱啱好，其他配料仲有爽脆莴苣同几片唔辣既辣椒。桂花冰粉食完仲有免费糖水。桂花冰粉系桂花配川式啫哩。冰粉好滑，个少甜好清甜，带微微桂花香，饮落润喉，肠胃无负担。