Fun Fun 串串鍋 (已結業)

火锅任食当然系我最爱，但见到出面自助区有咁多一串串食物嘅火锅放题都系第一次试!服务员安排咗入面4人卡位比我地坐!呢间火锅店地方唔算太宽阔!但冷气依然足够冻!火锅汤底都有不同选择，少量点选食物，仲有多款自助形式及串串食物...我先点咗药膳胡椒鱼肚汤做汤底，冇一般传统嘅药膳味道，里面有红枣，纪子，黑木耳，葱，黑胡椒及鱼肚，都系一般大众嘅味道!酱料放酱料区可以自由选择!火锅必食一定系安格斯肥牛，黑豚腩片啦!见到有款叫串串泡椒牛个名够特别就点咗黎试下…安格斯牛肉肉质很好，薄薄一片很嫩滑!而黑豚腩片味道都唔错!自助区仲有多款食物添......有鱼蛋，贡丸，龙虾丸，牛丸，芝心鱼蛋，辣面根，生根，向铃，豆卜，豆腐，炸竽头，生菜，金菇，菇类都唔少，鱼柳肉，个别包装汤丸有两口味(花生/黑芝麻)而最特别系"超长"蟹柳棒!呢度系任饮任食，仲有3种口味雪糕(云呢拿，朱古力，香芋)