翠湖海鮮酒家

营业中

休息中

翠湖酒楼原来开左嚟元朗劲意佢个川味猪手，之前特登去西湾河𠮶间食，食完仲要外卖。元朗呢间同另一间酒楼合并全层，旧式酒楼style, 点心劲大件, 又大碟。💟叉烧饭$38成两碗饭咁多，叉烧蜜味够，唔太肥。上枱大碗，连传菜阿姐都赞，啲阿姐服务态度几好。💟川味猪手$58唔够入味，好似啱啱淋啲汁上去，后尾食完晒打包返屋企浸左阵先够味。个汁有沙姜、豉油、花椒油、味精、糖等等，出面好少食到呢种味道。💟椒盐鲜鱿少少过火，但都好味香脆。💟烧卖入面有四只虾，多虾少肉。