川味閣

营业中

休息中

周街都系米线铺，主打酸辣嘅有好多，不过都系比较钟意呢间川味阁。间铺头虽然细细地，但系坐得都算舒服，侍应端上嘅面大大碗，香喷喷，令人食指大动。猪颈肉酸辣炸酱米线，有大量炸酱、酸菜、芽菜，配香浓嘅猪骨汤底。猪颈肉渌得啱啱好，口感柔软。炸酱同酸菜落足调味料炮制，散布系汤里面，每饮一啖汤，都可以咬下啲肉同菜，酸味辣味融为一体。朋友叫咗无汤嘅肥牛热拌幼薯粉，都有一大堆炸酱、酸菜、芽菜，仲有埋花生。佢话花生好脆口，不过肥牛太多脂肪，食落比较韧。仲有好多配料任君选择，都系$4或$5，抵！加$6仲有野饮。