川味雞烤魚大王 (隆亨商場) (已結業)

今次食呢间川味鸡烤鱼大王，位于大围，系屋村范围地舖嚟嘅，泊车方便。餐厅食物款式都多。重庆麻辣烤鱼 (⭐⭐⭐⭐⭐)佢烤鱼有几款，有重庆麻辣烤鱼、泡椒烤鱼等等，可以选辣度，由BB辣去到大辣，另外仲有唔辣嘅酸菜烤鱼。烤鱼好大份，辣椒铺喺面好有风味。入边仲有薯仔、白萝卜、腐皮等等。辣味融入去，令人垂涎三尺。首先要煮两三分钟，等啲水滚咗再将啲水倒落鱼身，令到鱼都可以传热熟透，而且味道更加香浓。啲鱼非常之鲜嫩，令人越食越上瘾，同时越食越流汗，建议带定包纸巾。雪花肥牛 (⭐⭐⭐⭐💢)呢款特级雪花肥牛，望落正正常常，但系原来食落都几林，易熟。配埋刚刚食重庆烤鱼嘅汤底，就真系几满足。佢另外有一款手切安格斯肥牛，贵啲，不过我哋未有选择呢款，下次有机会再食。红油抄手 (⭐⭐⭐⭐⭐)红油抄手份量都几多，云吞大大粒。价钱50蚊左右。招牌口水鸡 (⭐⭐⭐⭐⭐)招牌口水鸡有全只、半只同例牌。我哋点咗例牌$48 。口水鸡只鸡嘅份量都几多，佢个汁令到啲鸡非常入味，再有啲花生云耳等等嘅配菜，口感都几丰富，作为前菜系唔错嘅选择。益力多沙冰 (⭐⭐⭐⭐⭐)沙冰嘅卖相都唔错，味道甜度适中，用嚟配辣嘢可以解渴又可以解辣。狮威啤酒