川川

营业中

休息中

#铜锣湾地胆 今次去时代广场位于11楼嘅川川 ，餐牌主打地道口味川菜及重庆火锅🍲装潢华丽优雅，坐位濶落舒适！🌶️🐟青椒清香桂花鱼 : 上枱椒香扑鼻嘅桂花鱼，一片芫茜海下有白滑软嫩嘅桂花鱼！桂花鱼口感滑溜，鲜味十足！沾上爽辣嘅汤头，惊喜万分！最底层原来仲有弹牙嘅乌冬，拌芫茜一齐食更滋味！🥩手切安格斯牛肉 : 安格斯牛肉色泽亮丽，脂肉分明，手切纹理清晰，厚薄适中；轻轻渌熟口感十分软嫩，脂香满满肉味香浓、软身易人口！推介！🍖日本黑豚肉 ：日本黑豚肉甘甜嘅脂肪、柔软又弹牙嘅肉质，食过就知好味！🥣果香鱼汤锅拼芫荽皮蛋汤 ：胶质满满嘅果香鱼汤锅，滋润又鲜甜，拼芫荽皮蛋汤清甜健康之选！ 🐟桂花鱼：呈粉红色嘅桂花鱼，肉质丰满，肥美弹牙，滑得来唔会散烂，放落果香鱼汤更显鲜味！🐚贵妃蚌：望落已知新鲜嘅贵妃蚌，味道清甜可口，口感爽脆，不错！🌶️麻辣川川小笼包：咬开爆汤汁嘅麻辣小笼包，皮薄软糯，肉馅带点微辣，肉香绵滑！一客三件份量啱啱好！ 鸭血：鸭血色泽亮丽，Q弹细致，口感扎实爽滑，配芫荽汤估唔到都好夹好好味！川川 地址📍： 铜锣湾勿地臣街1号时代广场食通天1102舖