冒喜 (蕪湖街)

营业中

休息中

最近翻去PolyU，有D肚仔饿，所以就去咗黄埔揾食，因为未食过「冒喜」，所以都忍唔住入去试下，感觉佢嘅招牌菜概念就比较似系食冒菜，又或者系小火锅，可以自选汤底、配料、面底等等，真系随你钟意吖。依家餐厅店面扩充左，现提供有30个堂食位，全线共有4间分店，大家就有更加多地点选择喇！自选吉祥套餐（单点$80），贵州丁家脆哨、黑毛肚、五花腩片、美国肥牛、潮汕手搥牛肉丸、墨鱼丸、蕃薯粉、生椰蕃茄汤、多葱、多芝麻、多蒜；贵州丁家脆哨，口感香脆，食落类似采用五花腩脂肪部份制成嘅猪油渣，食落油脂味浓，但食得多的话，会觉得油腻；黑毛肚，肉质薄身，口感爽口；五花腩片，肉质肥瘦相间，肉味浓厚；美国肥牛，肉质嫩滑，牛味浓香；潮汕手搥牛肉丸，肉质弹牙，内有牛筋，食落肉汁饱满；蕃薯粉，份量多，口感烟韧；生椰蕃茄汤，饮落带有椰汁、椰青水味道，味道清甜，配以蕃茄饮用，饮落好清新。自选吉祥套餐（单点$77），贵州丁家脆哨、牛黄喉、鸭血、美国肥牛、潮汕手搥牛肉丸、墨鱼丸、粟米面线、魔鬼辣酸辣汤底、多葱、多芝麻、多蒜；牛黄喉，食落好新鲜；鸭血，口感滑溜，略嫌欠缺鲜味；墨鱼丸，内有墨鱼粒；粟米面线，口感幼滑，容易挂汤；魔鬼辣