川燒 (已結業)

呢日去咗佐敦间川烧，个招牌好中式嘅感觉，好似黄飞鸿电影𠮶种武馆咁，几得意。串烧嘅选择几多，有啲仲系出面唔常见，因为第一次嚟，好多都想试。佢哋每台放咗竹签座、孜然粉同辣粉，不过当晚啲嘢食本身够味，我都无用到佢哋喇。青柠话梅梳打，咸咸酸酸，话梅仲可以促进口水分泌同消滞。烧墨鱼香肠，外表唔吸引，食落就甜甜哋，中间包住爽口嘅墨鱼肉，我自己觉得唔洗蘸沙律酱就咁食都OK。川香肉碎烧茄子，正常情况下烧茄子都唔会差得去边，佢哋加咗肉碎、青葱、番红花（一直以为系姜丝）同白芝麻，仲有微微辣嘅酱汁，上碟之前预先切咗数小件，食得几过瘾。烧芝士脆脆饼，呢个系新嘢嚟，外层非常脆口，馅料就有烟肉同芝士等等。我哋对佢个外皮充满疑问，总之唔似一般面包等等嘅质感，不过又唔记得问到底系咩嚟。黄金芝士烧原只龙虾，个卖相好靓。原只龙虾面层用香草、洋葱、芝士同酸酸甜甜嘅酱汁覆盖，另外有蟹籽等作点缀。因为原只烧嘅关系，龙虾钳有少少干，不过龙虾身就肉质弹牙，当日个龙虾头入面仲挤满虾膏。苹果雪葩，以为系一球球𠮶种，原来系原个苹果上嘅，入口冰凉清甜，都唔错。