影片
更多
2023-08-10
94 浏览
约咗朋友嚟尖沙咀聚旧，咁耐冇见，当然要揾间坐得舒服又多特别嘢食嘅地方喇。心大心细，唔知拣边间好，幸好友人早有准备，订咗金巴利道𠮶间「圆山饭店」。餐厅主打川粤台精品料理，而近排更增设了一系列避风塘海鲜菜式，选择非常多元化，照顾到唔同食客嘅需要。先嚟碟皮蛋肉松豆腐 ($62) 做前菜，皮蛋蛋黄溏化，稀软金黄无苦味；肉松干身有肉香；豆腐质地好滑溜，豆香味很浓，配上微酸嘅酱汁和葱花，非常适合夏天食用。台式小笼包 ($38) 小笼包外皮很薄，一咬下就流出啖啖肉汁；馅料嘅调味亦啱啱好，肉味鲜甜有口感，带油脂甘香。台式胡椒饼 ($38) 胡椒饼一客有三件，外层酥皮食落好松脆，肉馅湿润饱满，渗著浓厚嘅胡椒香气，味道不俗。另外呢客蚵仔卷 ($48) 水准亦一流，用春卷皮包住满满嘅蚵仔同肉碎，入口松脆又唔油腻，香口惹味。春风香脆百花肠粉 ($43) 春风即系指肠粉里面包住炸春卷，春卷入面有大大嚿爽身弹牙嘅虾肉，咬下外软内脆，极富层次感。香辣口水鸡 ($75) 鸡件分量啱啱好，肉质嫩滑又无渣，面头铺满炸至脆身嘅辣椒蓉，花生，葱花和芝麻粒，入口辛香麻辣，充满四川风味。另外呢碟冰镇咕噜肉 ($168
约咗朋友嚟尖沙咀聚旧，咁耐冇见，当然要揾间坐得舒服又多特别嘢食嘅地方喇。心大心细，唔知拣边间好，幸好友人早有准备，订咗金巴利道𠮶间「圆山饭店」。
餐厅主打川粤台精品料理，而近排更增设了一系列避风塘海鲜菜式，选择非常多元化，照顾到唔同食客嘅需要。
先嚟碟皮蛋肉松豆腐 ($62) 做前菜，皮蛋蛋黄溏化，稀软金黄无苦味；肉松干身有肉香；豆腐质地好滑溜，豆香味很浓，配上微酸嘅酱汁和葱花，非常适合夏天食用。
台式小笼包 ($38) 小笼包外皮很薄，一咬下就流出啖啖肉汁；馅料嘅调味亦啱啱好，肉味鲜甜有口感，带油脂甘香。
台式胡椒饼 ($38) 胡椒饼一客有三件，外层酥皮食落好松脆，肉馅湿润饱满，渗著浓厚嘅胡椒香气，味道不俗。
另外呢客蚵仔卷 ($48) 水准亦一流，用春卷皮包住满满嘅蚵仔同肉碎，入口松脆又唔油腻，香口惹味。
春风香脆百花肠粉 ($43) 春风即系指肠粉里面包住炸春卷，春卷入面有大大嚿爽身弹牙嘅虾肉，咬下外软内脆，极富层次感。
香辣口水鸡 ($75) 鸡件分量啱啱好，肉质嫩滑又无渣，面头铺满炸至脆身嘅辣椒蓉，花生，葱花和芝麻粒，入口辛香麻辣，充满四川风味。
另外呢碟冰镇咕噜肉 ($168) 亦系必点之物，成品选用优质梅头肉，经脆炸后裹上糖醋汁，食落肉质好松化，味道酸甜适中，加上冰镇烟雾效果，未食已感到清凉。
压轴点了一碟台湾香肠炒饭 ($95) 米饭炒得刚刚好，不干不湿，配料有鸡蛋、台湾香肠同菜脯。香肠油香味十足，配埋咸香嘅菜脯，增添一份爽口，十分好吃！
张贴
