影片
更多
2018-07-12
455 浏览
冇真正到四川吃过道地四川菜，自己都唔系好嗜辣，亦唔知点先算道地。因为朋友约，所以今次算系献出我川菜处女初尝试。估唔到香港有人气咁旺嘅川菜，开到有三间分店，今次试欧美广场分店对面的另外一家分店。朋友教路食川菜要从凉菜食起，从冷辣到热辣，一层层叠加。首先嚟一道川北凉粉，朋友话怕食饭太饱，不如就用D特色嘢嚟代替主食。凉粉一啖咬落去，口感唔似任何一种面类，反而有DD似啫喱，细嫩绵软。将铺面嘅辣椒酱、葱花捞埋垫底嘅醋汁，辣唔会好辣，但酸酸咪咪好开胃。第二道凉菜系香辣豆皮，豆皮以醋、辣椒酱调味，味道好带劲。因为系豆制品，所以都安心一啖接一啖，唔会好油腻。系香港真系好少食田鸡，所以点咗个铁板田鸡。田鸡肉柔软，界乎鸡肉和鱼肉之间。因为我唔系太食辣，所以点咗小辣都咁大把。新鲜软嫩的田鸡肉放在烧热的铁板上，酱汁发出「啫啫声」，香味四溢。可惜尝起来味道稍微淡咗少少，如果腌料再腌耐少少相信更加惹味，食得辣嘅朋友点再辣少少可能更地道! 太多辣嘢都怕个胃受唔住，点咗个竹笙猪肚鸡中和下。猪肚、鸡、竹笙同锅都系另上，确保唔会提早准备以致鸡肉煲到老晒。所有材料倒晒落去，慢慢静待汤滚，料份量好够成个锅满哂。汤滚即成，先喝
朋友教路食川菜要从凉菜食起，从冷辣到热辣，一层层叠加。
首先嚟一道川北凉粉，朋友话怕食饭太饱，不如就用D特色嘢嚟代替主食。凉粉一啖咬落去，口感唔似任何一种面类，反而有DD似啫喱，细嫩绵软。将铺面嘅辣椒酱、葱花捞埋垫底嘅醋汁，辣唔会好辣，但酸酸咪咪好开胃。
第二道凉菜系香辣豆皮，豆皮以醋、辣椒酱调味，味道好带劲。因为系豆制品，所以都安心一啖接一啖，唔会好油腻。
系香港真系好少食田鸡，所以点咗个铁板田鸡。田鸡肉柔软，界乎鸡肉和鱼肉之间。因为我唔系太食辣，所以点咗小辣都咁大把。
新鲜软嫩的田鸡肉放在烧热的铁板上，酱汁发出「啫啫声」，香味四溢。可惜尝起来味道稍微淡咗少少，如果腌料再腌耐少少相信更加惹味，食得辣嘅朋友点再辣少少可能更地道!
太多辣嘢都怕个胃受唔住，点咗个竹笙猪肚鸡中和下。猪肚、鸡、竹笙同锅都系另上，确保唔会提早准备以致鸡肉煲到老晒。
所有材料倒晒落去，慢慢静待汤滚，料份量好够成个锅满哂。
汤滚即成，先喝一口汤，非常非常甜。猪肚、鸡的鲜甜配合竹笙的清香，实在绝配。
猪肚爽口，鸡肉嫩滑不肥腻。
喺食完咁多重口味食物后，实在清新。原本个煲系应该用嚟打边炉，根据店家建议，先饮汤，再落D菌类或者青菜嚟渌，相信一定好正。虽然老川皇主打川菜，但对于我呢D唔太食得辣嘅人嚟讲，呢度D𩠌菜有得拣辣度，已经系好窝心之举。虽然呢种小辣口味一定唔系地道川菜，但至少味道好味，已经足矣。
张贴
