影片
更多
2022-09-30
921 浏览
湾仔新派川菜食府川流最近推岀左晚市半放题！人均$338就有齐前菜、汤、主菜、饭/面、甜品同埋7款无限量供应嘅川式小菜！加$168仲有两小时红白酒Prosecco任饮半放题份量十足！两个女仔黎到，基本上食一round无限量供应嘅川式小菜已经够饱。任食小菜嘅辣度偏低，大多调味走甜酸路线，虽然同平时食开嘅有啲唔同，但唔系好食得辣嘅朋友仔都可以轻松挑战到。嗜辣之人就要去到主菜嘅水煮桂鱼、水煮牛肉先可以满足到辣瘾啦~ 整体黎讲，呢个份量加埋舒适嘅环境，都算几抵食留意返！逢星期日至四1800-2200先有架~ 限时120分钟🌶七滋八味川式半放题晚宴 $338/位1️⃣前菜：鸡丝粉皮🆙川流特色拼盘 +$50/位原只麻辣鲍鱼｜大建蜇头拌莴笋｜灯影牛肉三款之中，我就最钟意薄脆香口嘅灯影牛肉，系灯光映照下真系透光架！鲍鱼辣劲十足，蜇头莴笋够晒爽脆。两个人黎不妨加一碟试下~ 不过其实唔加都一定够饱2️⃣汤：醋椒胡辣羹 配 家乡熏腊肉胡椒饼嗌左川流特色拼盘，汤会自动升级为蟹肉醋椒胡辣羹~ 食落其实有啲似碗仔翅，当中有加有唔少瑶柱丝、豆腐丝、蟹肉等材料，好足料~胡椒饼以贡布胡椒入馔，加上熏蜡肉同芝麻粒，香气十足！3️⃣川式
半放题份量十足！两个女仔黎到，基本上食一round无限量供应嘅川式小菜已经够饱。任食小菜嘅辣度偏低，大多调味走甜酸路线，虽然同平时食开嘅有啲唔同，但唔系好食得辣嘅朋友仔都可以轻松挑战到。嗜辣之人就要去到主菜嘅水煮桂鱼、水煮牛肉先可以满足到辣瘾啦~ 整体黎讲，呢个份量加埋舒适嘅环境，都算几抵食
留意返！逢星期日至四1800-2200先有架~ 限时120分钟
🌶七滋八味川式半放题晚宴 $338/位
1️⃣前菜：鸡丝粉皮
🆙川流特色拼盘 +$50/位
原只麻辣鲍鱼｜大建蜇头拌莴笋｜灯影牛肉
三款之中，我就最钟意薄脆香口嘅灯影牛肉，系灯光映照下真系透光架！鲍鱼辣劲十足，蜇头莴笋够晒爽脆。两个人黎不妨加一碟试下~ 不过其实唔加都一定够饱
2️⃣汤：醋椒胡辣羹 配 家乡熏腊肉胡椒饼
嗌左川流特色拼盘，汤会自动升级为蟹肉醋椒胡辣羹~
食落其实有啲似碗仔翅，当中有加有唔少瑶柱丝、豆腐丝、蟹肉等材料，好足料~
胡椒饼以贡布胡椒入馔，加上熏蜡肉同芝麻粒，香气十足！
3️⃣川式滋味 (无限供应)
蒜泥本地黑毛豚白肉｜鱼香茄子｜宫保鸡丁｜干煽四季豆｜回锅本地黑毛豚｜上汤娃娃菜｜麻婆豆腐
七款川式小菜都唔太辣~
最有记忆点嘅一定系甜嘅蒜泥白肉，呢款真系好睇个人口味，我就食惯左咸嘅。不过佢嘅肉真系好软腍，超索汁！另一款回锅黑毛豚，肉质同样软腍，肥膏位软弹，几香几重豆豉味~
宫保鸡丁够腍够滑，鱼香茄子唔会煮到好软烂。上汤娃娃菜好嫩好入味，干煽四季豆够晒爽脆，略嫌唔够香口。
好得意地鱼香茄子同麻婆豆腐 调味都偏甜酸开胃。嗜辣之人表示：如果鸡肉猪肉系辣嘅就好啦！不过唔系好食到辣嘅朋友仔就食得好舒服
4️⃣主菜(每人任选一款）
水煮牛肉 / 水煮桂鱼片 / 豆酥桂鱼片 / 干烧明虾球 / 黑醋黑毛豚酥肉
今次就拣左水煮桂鱼片同干烧明虾球~
呢到嘅水煮绝对满足到嗜辣之人！桂鱼片厚肉滑溜，肉质较为扎实。香辣惹味得黎，鱼味都唔会被盖过。底下仲有啲好索汁嘅薯粉。
虾球厚肉弹牙，鲜味十足！甜甜地，带微辣~
5️⃣饭面(每人任选一款)
回锅肉炒饭 / 担担面
回锅肉炒饭米饭粒粒分明之余，不失咬口。
担担面嘅肉碎几香，不过就无乜花生香气。
6️⃣甜品
冲绳黑糖糍粑｜藤椒香草意式雪糕
雪糕超有惊喜！越食越麻，好刺激！但又甜甜地完全唔辣黑糖糍粑外层金黄香脆唔油腻，内𥚃烟韧软糯，蘸埋黑糖无得输
张贴
