阿詩瑪壹菌 (已結業)

平时如果想食辣嘢嘅时候就会同朋友嚟呢间、虽然佢话系云南菜但系我都唔识分佢系乜菜 😹 总之我就觉得好食同埋食完唔口渴平日嚟叫咗午市套餐、套餐包嘢饮或者可以拣炖汤！我就叫咗炖野菌鸡汤! 亦都可以拣饭或者米线、我拣咗米线！米线份量好多！每一个套餐都会跟一个凉菜、我哋拣咗土豆丝、凉拌木耳同茄子！炖鸡汤饮落好鲜味、而且鸡件份量不少！仲有唔少菇类？😹 平时做嘢咁忙真系要滋补下叫咗口水鸡、酸菜鱼同埋糖醋里脊！口水鸡鸡件好滑、而且好好彩全部都系鸡髀肉！配合埋有花生酱、青瓜非常惹味！糖醋里脊即系咕噜鱼！鱼柳份量好多而且好滑溜、应该系龙利柳鱼？而且完全冇骨 😹酸菜鱼味道够酸！鱼嘅份量亦都好多！而且里面仲有薯粉、薯粉烟烟银银好味道！呢间餐厅所有鱼嘅菜式一啲都唔腥非常好！