褔村日本料理鐵板燒 (已結業)

面对工作压力，lunchtime 应该要对自己好d，食返d好嘢平衡返自己嘅心理。今日去咗福村食好西慰劳下自己可能好耐无嚟过食饭，连转咗menu都唔知。既然有新野，当然要试下喇。我order咗一个北海道丼，头盘上咗个野菜沙律，目测d菜同蕃茄都好新鲜，一啖食落去，有几种唔同嘅沙律菜令到口感好丰富，个汁好特别，食落去酸酸甜甜，带有好浓既蜜柑味等咗大概几分钟，个北海道丼已经做好咗，碗𥚃面有三文鱼籽，海胆，牡丹虾同蟹肉。三文鱼籽食落去鲜甜多汁，粒粒都胀卜卜，捞埋d饭简直系绝配吖再嚟试下d海胆先，海胆好大片，应该系加拿大胆，食落去有少少腥味，但都几甜，同埋份量都算多。只牡丹虾十分大只，咬落去好甜好黏口。最后仲有d蟹肉，蟹肉落咗d蟹膏入去，令到原本单调嘅甜味加晒分，捞咗蟹膏嘅蟹肉，食落去鲜甜多汁，而且蟹膏味甚浓，令人齿颊留香食完呢碗饭已经饱到上心口，点知仲有一碗乌冬同面豉汤未上，好在碗乌冬细细碗啫乌冬系粗新嘅赞岐乌冬，食落去好弹牙，汤底系木鱼昆布汤，饮落去好清，再配咗少少炸虾碎，咬落去脆卜卜都几好味。好努力食完个乌冬同面豉汤，侍应姐姐话送杯咖啡比我饮oh my god ! 个餐实在太丰富喇，好多谢侍