馬祖台灣養生湯麵館 (厚福街)

营业中

休息中

今日去到尖沙咀做嘢，工作完结后想吃返啲嘢补补身子，喺网上见揾到有间食药膳汤面，望落似比较舒适就入去了。的而似确，店舖系干净企理，灯光冷气就柔和，坐得舒服嘅。叫咗个药膳桃胶农场鸡手工面午膳套餐，包涷饮品，呢间药膳就无咁重中药材味，因为落嘅红枣比较多，反而系有少少偏红枣味药膳汤。每一啖汤底都带有少少红枣的甜味。而碗面的桃胶唔系得几粒，都半个拳头咁多，食到最后都仲有，补充返晒胶原蛋白。而啲手工面条，口感亦少少烟韧弹牙，同时都索咗少少药膳汤汁入去，食咗唔少面好少可以做到咁样，呢个手工面做得唔错。农场鸡鸡味浓郁，肉质鲜嫩滑口；肉多骨少！鸡件又多，鸡胸，鸡翼，鸡翼尖都有齐！叫咗两个小食，盐酥墨鱼春卷，墨鱼保有墨鱼鲜味，盐酥的味粉可口惹味。药膳上汤大甲芋头贡丸，贡丸新鲜之余都有一粒粒分明的芋头粒，两者很不错。特别叫咗个特饮爱文芒果茉莉花茶，饮落比较甜，比较偏向芒果甜味，但仍然饮到淡淡的茉莉花香味。