Toscana (已結業)

个人工作上有一个重大突破, 劲好人o既老板知我想试TOSCANA, 特登book左个private room请晒成team食饭为我庆祝! 好感动呀!想试好野, 所以舍弃set menu要左a la carte. 头盘:蟹肉鱼籽沙律-- 沙律除左菜外, 仲有绿色类似gnocchi o既小面团. 蟹肉同鱼籽都好鲜甜, 不过我比较喜欢有dressing o既沙律.主菜:龙虾扁面-- 虾肉弹牙, 扁面al dente, 不过唔系食过最好味o既龙虾扁面.自助甜品:作为甜品痴o既我, 基本上拎晒所有甜品黎食. 最好味系杯状o既tiramisu同埋panna cotta. 其次系什果挞, 挞底好香脆. chocolate coffee mousse都okay. bread & butter pudding 就唔系我杯茶.咖啡-- 淡口左d, 不过伴上o既petit fours o既朱古力好好味!虽然话系我个人o既工作突破, 但系老板好似仲开心过我! 平时都几孤寒o既佢今次花左几千蚊请食饭都面不改容. 能够揾到咁o既老板, 真系好好彩! 所以以后都要加倍努力!