錵の工房 (已結業)

2019年10月12日（星期六）星期六晏昼要去九龙湾工业区，食饭时间好多食肆都人头涌涌，唔想等位，一于帮衬工厦食肆。招牌画工了🉐️，室内布置别具心思。麻绳绕圈吊著钨丝灯泡，卦住发泡胶水晶球，好治愈❤️几米feel油然而生！食物选择多、中西日式，沙律、意粉、乌冬、汉堡样样齐。叫咗两款日式定食。生羗豚肉定食、盐烧鲭鱼定食都系$55面豉汤属清淡式，唔会死咸👍前菜有苦瓜同云耳，清新可喜！豚肉生羗+埋椰菜丝减腻，如果羗味浓D仲好！烧鲭鱼啱啱烧起，脆卜卜、热辣辣，食到㶶边🐟、鱼油香甜，超好送饭虽然揾食路线迂回曲折，但系小店用心机经营，值得支持。