Bondi (已結業)

虽然处于工厦内，但位置超方便， 食物质素亦一啲都唔输蚀。餐厅简约宽敞，餐牌食物贵精不贵多，主菜加$68可以升级做晚餐， 晚餐会有汤、沙律、同饮品， 因为怕食唔晒，所以今晚只叫咗一个羊架主菜， 加多一份粗身薯条(听讲都系呢间餐厅出名好食嘅)；餐前有面包送， 块面包唔似一般嘅餐前面包， 感觉似系一啲比较健康的面包， 口感较为烟韧，好好食。薯条同一般粗身薯条有啲唔同，唔系炸到好干身、好脆口，而系较为软淋， 系另一种食法，感觉冇咁热气。羊架叫咗8成熟, 个人觉得系最恰到好处， 呢度嘅羊架并唔系一般嘅羊脾扒，而是肉身够厚嘅双骨羊架， 羊架带有好香嘅羊膻味， 有好浓烈嘅羊肉味道， 我个人非常喜欢，食羊肉系要有咁嘅味道先至系真正嘅羊肉！ 肉质好丰盈、鲜嫩，肉汁好丰富， 系超级好味！羊架嘅配菜炸薯角， 超级鲜甜，相信应该系用咗甜蕃薯，而不是普通嘅马铃薯， 在小事上用心，的确值得一赞！