1988 (已結業)

观塘工厦区愈开愈多美食，今次系同朋友慕名而来。其实已经系第2次黎，第1次黎既时候唔知要book位，食左个闭门羹。所以今次黎之前一个星期已经book定左。食饭既时候都见好多人无book位就黎左，但员工都系答full booking，位都无得你等，所以大家记得一定要book枱！一入到餐厅，个环境同外面系两个世界，装修简约，有摆放植物，由一个陈旧工厦进入左小清新地带，令人感觉舒服。同埋虽然满座，但每张枱之间都有空间，唔会令你好有压迫感，可以好舒服咁倾计食饭。不过奇怪啲碟差唔多只只都有崩左，唔知系咪特色黎，哈！咖哩味道偏椰香味，咸淡适中，但啲汁较水，浓结啲会比较好。牛腩同薯仔唔算太入味，有点可惜。因为咖啡牛腩无配饭，我地特意叫左薄饼去配咖哩汁。薄饼切开一旧旧方便食，好酥脆，一流虾饼外层是一层薄薄的炸粉，咬落脆卜卜，内涵都啖啖虾肉。正甜品有别于泰国餐厅，系西式甜品。柠檬挞酸酸甜甜，岩岩好清除左刚才既油腻。系一个完美既句号。整体来说都值得推荐，服务都很好，下次会再黎试下其他食物。