小伊甸 (已結業)

今日系观塘睇中医，睇医生之前我就医左个肚先🍽宜家大部分既工厦都活化晒，唔再系以前咁斋做工厂，仲有跳蚤市集，食肆，练习场等等，超多元化既。今日我就search左间位于官塘工业中心四期既台湾食店去食个lunch。呢度个位置好方便，一出观塘地铁站口就已经系个工厦入口，超易locate👍🏻👍🏻👍🏻呢度既装修简朴，环境舒适，服务员仲好有礼貌tim，安排坐位既同时会递埋餐牌，不过呢度系自助点餐既，填好点餐牌再去柜台比钱，店员就会自动送餐黎架啦。有一点好值得赞既系呢度好环保咁唔用点餐纸，选择循环再用既点餐牌同白板笔👍🏻👍🏻👍🏻👍🏻Menu我拣左个set再加左个小食🤓台式肉燥饭拼盐酥鸡扒$47呢个午餐份量好足够，仲有d小配菜tim。肉燥香浓厚汁，而且个饭选用珍珠米，食落有软糯口感，至于个盐酥鸡扒就外脆肉嫩，加上外面洒上椒盐粉，令到个鸡扒更加惹味，配埋杯冰冻既翡翠柠檬，仲增强埋我既食欲夜市小香肠$15呢个小香肠真系地道既台湾肠，因为佢外形较一般既鸡肉肠幼小，而且味道较甜，同时亦都有黑椒散发出黎既小小辛辣风味，加上佢再洒左少少椒盐粉系面，令味道再升华多个层次