影片
更多
2017-07-20
399 浏览
今晚阿妈话唔想煮饭，入嚟观塘同我食饭㖞! 我就带佢嚟Sunprime Cafe食西餐，唔好成日食中菜啦~ 平时餐厅会喺面书更新午餐餐牌，睇啱就同同事过黎食; 但晚餐就冇放上面书，唯有上Openrice睇。呢度有散点，亦有晚市套餐。晚市套餐都几弹性，加钱就可以选择唔同餐汤、饮品同甜品，我地就拣左晚餐。【头盘】自家制三文鱼拼盘(茴香黑椒三文鱼、自家腌制三文鱼、田园沙律)，摆碟用心，颜色望落都好靓。田园沙律用左黑醋汁，但又略带甜味，好开胃。【餐汤】每日餐汤，今日系菠菜忌廉汤，另加＄15就可以转香浓野菌汤、法式洋葱汤或龙虾忌廉汤。我地都好钟意饮龙虾忌廉汤架，一于叫!上枱时已闻到好香龙虾汤味，饮落都好浓郁好鲜甜。最惊喜系加左蟹肉落去，龙虾加上蟹，鲜味倍增。【主菜】秘制鸭胸拼法式油浸鸭脾(配炒田园杂菜、薯蓉、红酒汁)＄230秘制鸭胸，唔会好似一般鸭胸咁干身，鸭胸都可以煮到咁多肉汁，正!法式油浸鸭脾，呢个菜制作需时，所以出面食价钱都唔平架。鸭脾要预先经过盐腌，然后再封存喺油面，最少都要好几日时间，唔系好多餐厅肯做，难得遇到，应该要一试。鸭皮煎得香脆，而鸭肉系好软腍，轻轻一扯已经骨肉分离。【主菜】美国
呢度有散点，亦有晚市套餐。晚市套餐都几弹性，加钱就可以选择唔同餐汤、饮品同甜品，我地就拣左晚餐。
【头盘】自家制三文鱼拼盘(茴香黑椒三文鱼、自家腌制三文鱼、田园沙律)，摆碟用心，颜色望落都好靓。田园沙律用左黑醋汁，但又略带甜味，好开胃。
【餐汤】每日餐汤，今日系菠菜忌廉汤，另加＄15就可以转香浓野菌汤、法式洋葱汤或龙虾忌廉汤。我地都好钟意饮龙虾忌廉汤架，一于叫!上枱时已闻到好香龙虾汤味，饮落都好浓郁好鲜甜。
最惊喜系加左蟹肉落去，龙虾加上蟹，鲜味倍增。
【主菜】秘制鸭胸拼法式油浸鸭脾(配炒田园杂菜、薯蓉、红酒汁)＄230
秘制鸭胸，唔会好似一般鸭胸咁干身，鸭胸都可以煮到咁多肉汁，正!
法式油浸鸭脾，呢个菜制作需时，所以出面食价钱都唔平架。鸭脾要预先经过盐腌，然后再封存喺油面，最少都要好几日时间，唔系好多餐厅肯做，难得遇到，应该要一试。鸭皮煎得香脆，而鸭肉系好软腍，轻轻一扯已经骨肉分离。
【主菜】美国一级牛小排＄248
已经预先切成一片片，方便食用。一啖一片，颜色都好粉嫩，完全冇渣。
而炒菠菜虽然够味，但口感粗嚡，有渣。
【餐饮】可以加钱转特色饮品，朱古力咖啡(+$8) - 朱古力味浓，但咖啡味略嫌不足，两种味道唔太平均。
【餐饮】自家制朱古力特饮(+$8) - 朱古力味特别香醇浓厚，唔系用普通朱古力粉冲，系用朱古力磨成，甜中带一点苦，必试之选。
【甜品】可以喺甜品个餐牌度拣任何甜品，补返个差价就得(套餐甜品以$20算)! 朱古力心太软配云呢拿雪糕(+$28)
完全做到流心效果
焦糖栗子法式班戟配栗子雪糕(+$48)，班戟煎得好香脆，仲配上粒粒焦糖栗子同好少见嘅栗子雪糕。
【服务】点菜时店员会详细讲解餐牌，上菜时亦会介绍每款菜式，餐后又会询问客人意见，服务周到贴心。
【环境】同出面嘅工厦格局截然不同，地方好宽敞，每张枱都相隔一定距离，空间感十足。
张贴
