金亞淶泰國餐廳

营业中

休息中

成日都会心郁郁想食泰国嘢，爱佢啲香辣及惹味，最近就比我地揾到间系荔枝角工厦内嘅泰国菜店。泰式火山排骨佢地嘅招牌菜一定要数到依款，见到好多枱客人都有点，有猪同牛嘅选择。我地今次就拣咗猪肉版本，排骨超巨型，浸于酸辣汁之中。手套戴上就可以开餐啦！啲肉好易离骨，一丝丝猪肉被我地撕落嚟再蘸上酸辣汁，食落几惹味呢！泰式肉碎生菜包系我其中一款好爱嘅泰国菜式，炒过嘅肉碎入晒味，酸辣酸辣嘅味道超开胃！仲有啲洋葱、葱花等食落都好刺激同提味。菠萝海鲜炒饭最后当然要点款主食，炒饭超巨型，面头铺满肉松，内有鱿鱼虾肉等海鲜，饭粒唔会太湿都几香口。椰皇三重奏甜品真系要大赞，一羹有3种口感，椰子奶冻加椰子冻仲有面头嘅椰丝脆脆，大满足啊！整体椰子味都好浓，上下两层椰子奶冻加椰子冻好冰凉超清爽，椰丝脆脆增加口感多咗阵香气。饮品我就试咗金钻鲜菠萝冰，菠萝味几出不过就无乜冰感。朋友拣咗椰汁珍多冰超多料。