影片
更多
2021-08-22
543 浏览
好味指数😋😋😋😋回头指数 ⭐️⭐️⭐️⭐️开心指数🤗🤗🤗🤗因为要去苹果整机，有颇长时间嘅等待，唔想再行APM，就去咗行工厂大厦！其实我冇咩嘢要买要揾，系有少少想食嘢，不过刚好1点几，度度都好多人又唔知食咩好！求其搭lift 去其中一层向下行，都有少少漫无目的咁…路过呢一间店，见到门口写有喇沙汤面，跟住睇紧时，有个妹妹仔话新店开张，依家只系$48碗，又几吸引wor！见入面有台就走入去试下！🍴马来喇沙汤面（$48）见到好足料！有两只虾、两粒白鱼旦、两粒豆卜、三条狮子狗，再有两小旧青柠，少少芫茜… 试下个汤底先，好浓厚嘅汤底，味道浓郁，好香又好惹味wor！面系用咗比较粗圆嘅汤面，煮得啱啱好够弹牙！虾都几大只，肉质爽口，几新鲜，虾头仲有少少虾膏；鱼旦系细细粒，都几弹牙！以$48 嚟讲真系俾足料又抵食！😋饮品有汽水、本地支装饮品、日本果汁咁，自己去雪柜拣，依家有9折！呢度其实都有货架卖酱料、饮品同酒，亦都有雪柜卖冻肉，可以买走或者即买即煮！呢度好家庭式经营，似爸爸煮面，老婆收银，阿女定系亲戚做楼面，听到佢哋嘅对话内容都系好似一家人咁，唔似老板同员工… 佢哋会好细心俾只碟仔我放虾壳，我都见到隔离台俾嘅碗仔
回头指数 ⭐️⭐️⭐️⭐️
开心指数🤗🤗🤗🤗
因为要去苹果整机，有颇长时间嘅等待，唔想再行APM，就去咗行工厂大厦！其实我冇咩嘢要买要揾，系有少少想食嘢，不过刚好1点几，度度都好多人又唔知食咩好！求其搭lift 去其中一层向下行，都有少少漫无目的咁…
路过呢一间店，见到门口写有喇沙汤面，跟住睇紧时，有个妹妹仔话新店开张，依家只系$48碗，又几吸引wor！见入面有台就走入去试下！
🍴马来喇沙汤面（$48）
见到好足料！有两只虾、两粒白鱼旦、两粒豆卜、三条狮子狗，再有两小旧青柠，少少芫茜… 试下个汤底先，好浓厚嘅汤底，味道浓郁，好香又好惹味wor！面系用咗比较粗圆嘅汤面，煮得啱啱好够弹牙！虾都几大只，肉质爽口，几新鲜，虾头仲有少少虾膏；鱼旦系细细粒，都几弹牙！以$48 嚟讲真系俾足料又抵食！😋
马来喇沙汤面
$48
34 浏览
0 赞好
0 留言
饮品有汽水、本地支装饮品、日本果汁咁，自己去雪柜拣，依家有9折！
呢度其实都有货架卖酱料、饮品同酒，亦都有雪柜卖冻肉，可以买走或者即买即煮！
呢度好家庭式经营，似爸爸煮面，老婆收银，阿女定系亲戚做楼面，听到佢哋嘅对话内容都系好似一家人咁，唔似老板同员工… 佢哋会好细心俾只碟仔我放虾壳，我都见到隔离台俾嘅碗仔好家庭式，系日本精品类嘅大口仔、Pekkle 鸭仔嘅碗，都真系未见过😆
虽然冇咩特色装修，但有一种家庭式嘅温暖感！呢个价钱有咁样嘅食物质素，性价比超高！
张贴
