新蒸武門 (已結業)

钟意周围觅食嘅我 今次揾到去观塘嘅工业大厦 上网周围揾食平见到呢间餐厅 决定今日同朋友一齐去试吓去到其实揾咗一阵可能因为我行错方向 上到楼上指示牌都算清晰 入到去座位都阔落 晚饭时间其实客人都唔少我仲见到有两台大枱坐住一家大细一坐低就俾咗杯茶同朋友研究左好耐原来呢杯叫八宝茶 饮落有花香有茶香真系好特别 叫咗个例汤猴头菇栗子炖鸡饮落又唔觉佢有味精而且好足料 问店员有咩好介绍佢话可以试吓蒸扇贝 同朋友两个人叫咗四只嚟到𠮶阵哗一声原来咁大只 亦都好新鲜想叫碟肉谂左好耐叫咩最后试吓黑椒牛柳粒 牛柳粒镬气十足仲好惹味叫过清淡嘅菜金银蛋浸时蔬 嚟到都系好大碟哈哈 最后发现其实唔系点食得晒下次都系睇住黎叫 呢间餐厅其实几值得推介建议下次去开观塘嘅朋友仔都去试吓