影片
更多
2023-03-01
246 浏览
Grandma ～姜妈～如果唔系朋友介绍，都唔知牛头角工厦内有一间咁高质嘅日系家常料理店「姜妈」！姜妈以日式定食、便当及手作汉堡作为主打，我就拣咗佢嘅一汁三菜套餐，有主菜、配菜、味噌汤、渍物及饮品。工作完一个早上，见到咁丰富嘅午餐真系令人特别开心！豚肉生姜烧定食($118)主菜有4款选择，朋友话餐牌主食会定期更改，确保新鲜感！心大心细拣完一轮，见隔离枱嘅豚肉生姜烧卖相唔错，一于跟风，哈哈！豚肉生姜烧份量慷慨，豚肉片叠得高高的，洋葱及豚肉都好入味又送饭！用上日本国产米都好有诚意！豚肉片下亦垫有番茄仔及沙律菜，感觉家常健康！配菜更加有8款选择，例如：椒麻凉拌带子裙边、核桃小女子、中华口水鸡等，款款都好吸引！拣咗海老里芋煮物，味道都好唔错！午餐送日本绿茶、热Americano或热伯爵茶，不过加配一杯特色咖啡都只系十几蚊，值得一试！饮品选择好多，咖啡除咗有常见嘅Cappuccino、Flat White之外，仲有黑糖肉桂咖啡、海盐焦糖咖啡、焦糖炖蛋咖啡等特色咖啡！另外仲有果味手调茶、无咖啡因饮品以及茶Latte系列，选择好多样化！我试咗比较少见嘅玄米茶拿铁(+$19），甜度我觉得稍高，不过都饮
如果唔系朋友介绍，都唔知牛头角工厦内有一间咁高质嘅日系家常料理店「姜妈」！
姜妈以日式定食、便当及手作汉堡作为主打，我就拣咗佢嘅一汁三菜套餐，有主菜、配菜、味噌汤、渍物及饮品。工作完一个早上，见到咁丰富嘅午餐真系令人特别开心！
豚肉生姜烧定食($118)
主菜有4款选择，朋友话餐牌主食会定期更改，确保新鲜感！心大心细拣完一轮，见隔离枱嘅豚肉生姜烧卖相唔错，一于跟风，哈哈！豚肉生姜烧份量慷慨，豚肉片叠得高高的，洋葱及豚肉都好入味又送饭！用上日本国产米都好有诚意！豚肉片下亦垫有番茄仔及沙律菜，感觉家常健康！配菜更加有8款选择，例如：椒麻凉拌带子裙边、核桃小女子、中华口水鸡等，款款都好吸引！拣咗海老里芋煮物，味道都好唔错！
午餐送日本绿茶、热Americano或热伯爵茶，不过加配一杯特色咖啡都只系十几蚊，值得一试！饮品选择好多，咖啡除咗有常见嘅Cappuccino、Flat White之外，仲有黑糖肉桂咖啡、海盐焦糖咖啡、焦糖炖蛋咖啡等特色咖啡！另外仲有果味手调茶、无咖啡因饮品以及茶Latte系列，选择好多样化！我试咗比较少见嘅玄米茶拿铁(+$19），甜度我觉得稍高，不过都饮到玄米茶独有嘅米香。
小店午市都几旺场，好彩当日等咗5min左右就能入座！虽然店员好忙碌，但态度都好友善！食物质素真心唔错，咁近公司之后都应该会再来！
张贴
