新蒸武門 (已結業)

今日系观塘睇完戏虽然时间尚早, 我地呢对懒惰couple都系唔想煮饭, 但老婆又想食住家菜, 结果揾到系骆驼漆大厦呢间私房菜馆: 新蒸武门。新蒸武门标榜提供无味精嘅住家菜式, 尤以蒸煮食物出名, 啱哂钟意健康菜色嘅老婆。我地到餐厅时未到7点客人唔多, 不过7点后客人愈来愈多。餐厅装修简朴, 以鲜色的椅子最夺目。餐牌设计都简单, 以私房菜黎讲, 价钱都几抵。每位客人都会有一杯八宝茶, 材料好丰富, 味带甘甜, 好清香。😚冷盘薰蹄份量都几多, 唔会太感而且唔肥腻, 沾上微酸的醋汁, 非常醒胃。👍蜜椒炒猪柳啖啖肉, 猪柳好爽口弹牙, 蜜糖汁配猪柳好惹味, 配料除左椒类仲有菇片, 以黑椒调味, 味道香浓, 配白饭食一流。😋梅菜蒸菜芯有惊喜, 菜芯超软腍, 而且好甜, 配既咸且甜嘅梅菜, 味道好夹。土鱿蒸肉饼唔知系咪餐厅招牌菜, 非常出色, 肉饼鲜嫩多汁, 肉味浓, 加了马蹄粒增加口感, 味道调配得好好, 不需添加豉油已经鲜味十足, 钟意食肉饼嘅老婆都非常满意。😆埋单每人都唔驶$200, 以私房菜计真系好抵食。Menu