Coffee Art

营业中

休息中

观塘不嬲出名多野食，今日又唔系太想特别揾有咩多食，所以近近地就走去东广场拣返间。呢间餐厅净系个门面都知佢落足心机装修，环境坐得几舒服，同朋友坐系度一个下午吹下水都系一个几唔错既选择。我地两个人都叫左佢既set，几抵食，包头盘主菜同饮品。头盘我地都拣左芝麻酱杂菜沙律，我就略嫌d麻酱份量少左d。我样嘢要特别一赞嘅，我系佢嘅上菜速度非常之快。基本上出去落完order，佢下1秒就将饮品送到。至于食物其实都好快，所以要食快lunch嘅人，呢度系个唔错嘅选择。温泉蛋日本黑豚肉酱米型意粉 ($80)呢个米型意粉嘅口感真系好特别，好似食紧软身d既Risotto，每一粒意粉都挂上番茄酱。至于个黑豚肉肉酱，好浓番茄味，亦都食到实实在在嘅肉碎。黑松露原只大蘑菇杂菌忌廉汁米型意粉 ($78)虽然呢个意粉冇肉，但系佢嘅大蘑菇真系好出色，咬落去好juicy一啲都唔干。同埋佢成个意粉都有好浓嘅菇味，非常之香。