影片
更多
2020-08-26
114 浏览
今日陪男朋友出观塘买嘢，佢话之前同朋友一齐试过一间好正嘅餐厅，谂住带我去试下，趁放假食个靓brunch。入到去嘅环境都几舒服，估唔到工厂大厦区都有啲咁休闲嘅餐厅，brunch都有好多款，我哋分别叫咗个前菜、两个main course，同埋一个甜品，放假就系要放纵下！先嚟嘅系蟹肉牛油果三文鱼籽脆饼，味道非常丰富，蟹肉甜甜地，配埋牛油果食落好夹，三文鱼籽咸咸地，食落好开胃。而我就食呢个烧纽西兰肉眼扒，配埋热辣辣嘅炸薯条，肉眼扒嘅牛味好浓郁，啖啖肉汁，加上牛扒表面有一层焦香，味道一流。男朋友就食太阳蛋烧牛脷三文治，牛脷软硬适中，唔会太淋，入口好香，加埋吸晒蛋汁嘅面包，够晒丰富。不过成餐饭我最欣赏嘅系呢个甜品，苹果金宝配烧芝士蛋糕，净系摆盘已经好有美感而且层次分明最顶嘅系一球冻冰冰云呢拿雪糕，中间就有一个苹果，入面有啲脆饼，底层就系烧芝士蛋糕，食起嚟有唔同嘅享受，值得一赞嘅系苹果焗得好香，配埋芝士蛋糕好夹，但成件事唔会太甜，好啱女仔食。最后我叫多咗一杯mocktail，一睇个名都知道够清新嘅Arctic Peach，其实就系一杯冰沙，香桃加上菠萝，够晒热带feel，喺三十几度嘅夏天饮就最啱！整
入到去嘅环境都几舒服，估唔到工厂大厦区都有啲咁休闲嘅餐厅，brunch都有好多款，我哋分别叫咗个前菜、两个main course，同埋一个甜品，放假就系要放纵下！
先嚟嘅系蟹肉牛油果三文鱼籽脆饼，味道非常丰富，蟹肉甜甜地，配埋牛油果食落好夹，三文鱼籽咸咸地，食落好开胃。
而我就食呢个烧纽西兰肉眼扒，配埋热辣辣嘅炸薯条，肉眼扒嘅牛味好浓郁，啖啖肉汁，加上牛扒表面有一层焦香，味道一流。
男朋友就食太阳蛋烧牛脷三文治，牛脷软硬适中，唔会太淋，入口好香，加埋吸晒蛋汁嘅面包，够晒丰富。
不过成餐饭我最欣赏嘅系呢个甜品，苹果金宝配烧芝士蛋糕，净系摆盘已经好有美感而且层次分明最顶嘅系一球冻冰冰云呢拿雪糕，中间就有一个苹果，入面有啲脆饼，底层就系烧芝士蛋糕，食起嚟有唔同嘅享受，值得一赞嘅系苹果焗得好香，配埋芝士蛋糕好夹，但成件事唔会太甜，好啱女仔食。
最后我叫多咗一杯mocktail，一睇个名都知道够清新嘅Arctic Peach，其实就系一杯冰沙，香桃加上菠萝，够晒热带feel，喺三十几度嘅夏天饮就最啱！
整体嚟讲食物质素唔错，价钱都算合理，为咗个apple crumble，我迟啲一定要再嚟食多次！
张贴
