影片
更多
2023-05-10
871 浏览
同朋友嚟荔枝角逛街，午饭唔想帮衬连锁快餐店，但商场入面嘅餐厅又唔平，提议去工厦揾食。上网见有人推介呢间工厦西餐厅「Baron Cafe & Restaurant」，午餐选择非常丰富，而且价钱十分大众化，合晒我俩心水，一于试下。入到餐厅，环境完全冇令人失望，入面地方好大，而且装修得好企理，间隔阔落，座位宽敞又舒服。我哋每人点咗一个餐，另外再加咗一客鲜杂果薯仔沙律 ($50)。冇谂过个沙律咁大份，好有惊喜，而且用料十足，苹果爽脆有咬口、薯仔粉绵腍甜，沙律酱酸甜适中，真系净食沙律都饱。香煎美式公司杂扒配黑椒汁 ($81) 及薯菜(+$6)，杂扒餐份量好足，有牛扒、猪扒、鸡扒同司华力肠。牛扒腌得好入味，口感嫩滑无渣；猪扒厚度适中，软腍不死实。鸡扒大大块，肉质不嚡口且无油脂；司华力肠肠衣烟韧有咬口，点埋个黑椒汁，香辣惹味。薯菜有椰菜花、西兰花、翠玉瓜、薯仔、红萝卜同杂菌，非常丰富！原条日本蒲烧鳗鱼黄金炒饭 ($81) 鳗鱼肥美厚身，咬落非常 Juicy，连埋甜甜嘅酱汁食，真系好满足。炒饭粒粒分明，内有粟米和鳗鱼粒，食落有米香之余亦好烟韧。跟餐饮品点咗两杯鲜榨果汁，奇异果汁 (+$12) 饮落
上网见有人推介呢间工厦西餐厅「Baron Cafe & Restaurant」，午餐选择非常丰富，而且价钱十分大众化，合晒我俩心水，一于试下。
入到餐厅，环境完全冇令人失望，入面地方好大，而且装修得好企理，间隔阔落，座位宽敞又舒服。
我哋每人点咗一个餐，另外再加咗一客鲜杂果薯仔沙律 ($50)。
冇谂过个沙律咁大份，好有惊喜，而且用料十足，苹果爽脆有咬口、薯仔粉绵腍甜，沙律酱酸甜适中，真系净食沙律都饱。
香煎美式公司杂扒配黑椒汁 ($81) 及薯菜(+$6)，杂扒餐份量好足，有牛扒、猪扒、鸡扒同司华力肠。牛扒腌得好入味，口感嫩滑无渣；猪扒厚度适中，软腍不死实。
鸡扒大大块，肉质不嚡口且无油脂；司华力肠肠衣烟韧有咬口，点埋个黑椒汁，香辣惹味。薯菜有椰菜花、西兰花、翠玉瓜、薯仔、红萝卜同杂菌，非常丰富！
原条日本蒲烧鳗鱼黄金炒饭 ($81) 鳗鱼肥美厚身，咬落非常 Juicy，连埋甜甜嘅酱汁食，真系好满足。炒饭粒粒分明，内有粟米和鳗鱼粒，食落有米香之余亦好烟韧。
跟餐饮品点咗两杯鲜榨果汁，奇异果汁 (+$12) 饮落去一啲都唔假，好明显系新鲜即榨，唔会好酸，够好饮又够晒健康。火龙果汁 (+$12) 清甜可口，生津解渴，足料又天然。
张贴
