哈豆

营业中

休息中

香酥腐皮虾仁卷 $32一客四件，炸到热辣辣的腐皮卷，虾味唔算好浓，但是甜甜地，外层香脆，内层热辣，十分惹味。呢个价钱，系几抵食的。丰盛牛肉鲜蕃茄汤面$70牛肉沽清，换左台式肠。好足料，一碗入面有齐台式肠、猪肋骨、贡丸、花枝丸、蕃茄同生菜，见到都已经好满足。汤面系上海面的品种，粗粗地好有质感，一碗已经够饱肚。蕃茄汤底够鲜甜，好开胃又滋味。逢甲咸酥鸡肉燥饭$54炸鸡表皮好脆，肉质唔算十分嫰滑但绝对是几香的。已有调味，几正宗的台式咸酥鸡味。大碟白饭，舖满肉燥，仲有半只蛋同埋生菜。呢个价钱算抵食。柠檬梅子 QQ +$12好浓的柠檬梅子味特饮，仲多椰菓多珍珠，啖啖有𡁻头。蜂蜜柠檬山粉圆 +$12几润喉的一道热饮，好多柠檬碎加上蜂蜜，山粉圆即系甜品店经常食到的黑珍珠，酸酸甜甜又充满维他命C，感觉健康。