影片
更多
2023-12-16
43 浏览
观塘骆驼漆出名多嘢食，最近仲多咗好多Cafe！呢间新开张嘅咖啡专门店有多款咖啡特调，采用，另外仲有啲猪肋骨、意粉𠮶啲主食，成个套餐人均都系$100松啲，平时嚟食个饭叹杯啡都唔错！小店星期六日仲会推出$158任饮咖啡，全店嘅咖啡同手冲都可以一次过试晒，钟意咖啡嘅人都不妨试一试，试啱味再买返佢嘅咖啡豆！------------------------------🐖◖半边春鸡配烤猪肋骨◗ $148呢份嘢真系好抵食，有半边嘅春鸡同埋两大条猪肋骨，配上大大盘嘅脆炸薯条，份量超多！佢嘅烧春鸡搽咗蜜糖，外皮甜甜地，里面嘅肉质都几嫩滑；猪肋骨做得出色，用烧烤酱腌得够入味，仲有啲筋膜嘅咬口，好食！🥗◖烟三文鱼牛油果沙律◗ $88佢呢个沙律都大大份，配上黑醋汁，特别开胃！有三大片烟三文鱼花，成个沙律清清地，几fresh！🍗 ◖香烤鸡翼◗ $58佢只鸡翼有六大只，佢比较似酱烤鸡翼，边位有少少脆口，但里面就唔太入味呢～🍵◖焙茶拿铁◗ +$13主食包咗$35嘅饮品，加少少钱就可以试到佢哋嘅Latte，都几抵！会饮得出焙茶嘅粉末，超香浓，奶底都好顺滑，一啲都唔涩口！☕️◖伯爵茶鸳鸯◗ $45伯爵茶嘅香味同咖啡混合，
------------------------------
🐖◖半边春鸡配烤猪肋骨◗ $148
呢份嘢真系好抵食，有半边嘅春鸡同埋两大条猪肋骨，配上大大盘嘅脆炸薯条，份量超多！佢嘅烧春鸡搽咗蜜糖，外皮甜甜地，里面嘅肉质都几嫩滑；猪肋骨做得出色，用烧烤酱腌得够入味，仲有啲筋膜嘅咬口，好食！
🥗◖烟三文鱼牛油果沙律◗ $88
佢呢个沙律都大大份，配上黑醋汁，特别开胃！有三大片烟三文鱼花，成个沙律清清地，几fresh！
🍗 ◖香烤鸡翼◗ $58
佢只鸡翼有六大只，佢比较似酱烤鸡翼，边位有少少脆口，但里面就唔太入味呢～
🍵◖焙茶拿铁◗ +$13
主食包咗$35嘅饮品，加少少钱就可以试到佢哋嘅Latte，都几抵！会饮得出焙茶嘅粉末，超香浓，奶底都好顺滑，一啲都唔涩口！
☕️◖伯爵茶鸳鸯◗ $45
伯爵茶嘅香味同咖啡混合，碰撞出一个新嘅火花，整体味道会偏苦，但胜在香气有层次，而且口感顺滑！
🌟Encore指数：8.9/10
张贴
