Ulyssa by Aldou (已結業)

放假唔想同人迫餐慒，所以决定不在大商场进餐，改系工厂大厦度食就更加舒服。上到黎人就唔算多，铺头店员招呼唔错。先黎餐汤，系忌廉蘑菇汤，味道浓郁，蘑菇味突出，口感又够滑。仲有面包微暖又软淋淋，系有质素前菜。蒜蓉煮蚬，用上牛油令口感更滑，蚬肉新鲜又多肉，蒜蓉味除腥，蚬肉食落更觉又甜又肥美，确系唔错。跟手系蕃茄煮肉酱长通粉，蕃茄味道突出，钟意蕃茄朋友不能错过，肉酱同蕃茄味道好夹，用于长通粉就更匹配，长通粉够爽。最后系香草烧春鸡，烧得非常香口，鸡皮薄而充满香草味，鸡油将鸡汁带埋落鸡肉度，而且鸡肉食落皮香肉滑，用既系春鸡所以鸡质爽嫩，系最适合进食既时机。仲有杯水果茶，茶香但不会将水果香覆盖，芒果蓉仲系杯底添，够晒用心。