影片
更多
2021-11-14
1257 浏览
听人介绍新蒲岗开咗间cafe，见佢影出黎既相都几打卡able，呢日就约朋友黎试下。地址虽然写五芳街，但其实个门口系喺彩虹道，加上门面因为系工厦餐厅相对隐蔽，都揾咗一段时间先揾到。门口细细但入到去原来几深又几阔落，星期六中午时段几乎满座，好彩啱啱有人买单，我地企咗阵店员就安排我地坐咗张餐厅中间既圆枱，以二人枱黎讲都算松动，摆得晒啲食物。Brunch menu包餐汤同蒜蓉包，餐汤系罗宋汤但味道偏甜易入口，蒜蓉包薄薄一片唔会搞到你食唔落主菜，脆度亦算合格。我地叫咗个deluxe all day breakfast 同埋个bbq ribs share，deluxe version有鸡扒亦有烟三文鱼，味道都唔错；猪肋骨啲肉好腍，酱汁浓味但可接受。野饮方面朋友叫既latte拉花几靓，我叫既flat white原来唔会拉花，所以都无谓影喇，味道偏苦既，鲜奶既比例比起正常coffeeshop饮到既低，建议黎饮咖啡既话拣返latte啦最后亦有试到佢既甜品，tiramisu窝夫好搞笑真系tiramisu上面插件窝夫，窝夫几脆，tiramisu口感似装饰用𠮶只cream；反而伯爵茶戚风几有惊喜，上面嘅奶盖有
地址虽然写五芳街，但其实个门口系喺彩虹道，加上门面因为系工厦餐厅相对隐蔽，都揾咗一段时间先揾到。
门口细细但入到去原来几深又几阔落，星期六中午时段几乎满座，好彩啱啱有人买单，我地企咗阵店员就安排我地坐咗张餐厅中间既圆枱，以二人枱黎讲都算松动，摆得晒啲食物。
Brunch menu包餐汤同蒜蓉包，餐汤系罗宋汤但味道偏甜易入口，蒜蓉包薄薄一片唔会搞到你食唔落主菜，脆度亦算合格。
我地叫咗个deluxe all day breakfast 同埋个bbq ribs share，deluxe version有鸡扒亦有烟三文鱼，味道都唔错；猪肋骨啲肉好腍，酱汁浓味但可接受。
野饮方面朋友叫既latte拉花几靓，我叫既flat white原来唔会拉花，所以都无谓影喇，味道偏苦既，鲜奶既比例比起正常coffeeshop饮到既低，建议黎饮咖啡既话拣返latte啦
最后亦有试到佢既甜品，tiramisu窝夫好搞笑真系tiramisu上面插件窝夫，窝夫几脆，tiramisu口感似装饰用𠮶只cream；反而伯爵茶戚风几有惊喜，上面嘅奶盖有玫瑰花香，好天然唔系药水味，蛋糕松软亦加唔少分。
张贴
