What The Food Cafe (已結業)

夜晚同老婆去睇戏，谂住睇之前食个早Dinner，上网揾到呢间cafe既鳗鱼蛋包饭唔少人话好食。门前面条走廊已经好有特色，有唔少卡通公仔喺墙上面。新鲜麦包，个包仲热辣辣，好软熟。罗宋汤，唔会稀框框咁，味道好香好浓，而且辣辣地几好饮。黑色狂牛，以前饮开黑牛都系可乐加朱古力雪糕，但呢杯狂牛就加埋咖啡做底，饮落都唔错。WTF水果茶，个果汁底唔系好甜几好饮，仲有唔少果肉，上面加左啲花闻落好清新。软壳蟹Pizza，饼底好薄，边脆内软，而软壳蟹炸到好香，少少腍好易咬。蒲烧鳗鱼蛋包饭，黎既主要目的就系想食呢个饭。鳗鱼唔算大块，但啲肉就几厚，而且用埋鳗鱼汁烧更加香。滑蛋唔系全熟所以好嫩滑，好浓既蛋香味。而饭就系珍珠米用鳗鱼汁炒，所以入味。