錵の工房 (已結業)

星期六下昼行德福，想医肚，但对商场嘢食冇乜兴趣，不如行落去工厦区揾揾。呢间日式上楼cafe喺楼下已经有广告，就上去睇下先。门口黑板手绘几靓几开心。只开日头，应该主要做呢头返工嘅人生意，入夜后工厦区就冇乜人了。通常工厦食肆地方都大，呢度都唔例外。据讲平日人多到要排队，不过今日星期六就少咗好多人。白酒牛油汁蚬肉意粉，配个蓝橘菠萝梳打。意粉不比出面啲意粉连锁店差呀，杯梳打清凉可口。蒲烧鳗鱼饭，鳗鱼肉好大块，调味都做得好。呢度嚟个轻食午餐或下午茶，真系唔错呀。