鳥棲日本料理 (已結業)

工厦日式料理平时都会嚟观塘呢头行工厦，买下衫同埋食下野。今日同男朋友去咗骆驼漆大厦食呢间日式料理。餐厅门面都几靓，好抢眼，有一幅墙都系花草墙，充满清新气息，心情都开朗啲。我哋叫咗三个嘢食，喜烧牛肉锅，北海道陶板肠同埋网烧安格斯牛扒。喜烧牛肉锅呢个牛肉锅都几大，有牛肉，金菇，其他杂菇，豆腐，鸡蛋同埋粉丝。都几好食，个汤底唔会太咸，如果有碗饭一齐食就更加好啦。北海道陶板肠个肠外型都几得意，似打咗成饼嘅肠仔，又似蚊香XD！平时都系食开德国肠，呢个北海道图版肠好似鸡尾肠咁，咬落脆卜卜，内肉实有汁。网烧安格斯牛扒钟意食牛扒嘅我一定要点，个牛质素几好，加埋系网烧，所以好香。加埋秘制酱，烧牛扒入味，连原麻芝麻食更香。依家好多餐厅都发展去工厦，食嘢更多选择。