Little Mario's Pizzeria (駱駝漆大廈) (已結業)

好耐都无嚟到观塘既工厦揾食，呢边既餐厅小店真系愈开愈多，因为要去骆驼漆买嘢先会行到上嚟，咁啱买完就见呢间，环境好似几舒服咁，再望埋出面既menu见都唔太贵就二话不说入去食。我地两个人见两人餐都系$188，晚餐计返都唔洗$100一个人，就叫咗呢个餐嚟食，两人餐系包一个14吋既大Pizza、一个意粉/沙律同两个汽水。佢地既pizza都有好多选择，第一次嚟食就保守啲叫咗个「Meat肉」款嚟试，嚟到先发现原来pizza系咁大块，一块已经好大，成个14吋pizza仲可以分到8份。佢既用薄既饼底，我自己比较钟意呢种饼底，好容易食同唔会太抢pizza本身既味道，芝士都好多而且配料都好香。而另一样我地就拣咗一个黑松露意粉，佢既黑松露真系非常之香，微微靠近啲味已经闻到，食落去啲黑松露味都好劲。最后饮品我地就拣咗呢只第一次见到果汁，朋友拣咗杂莓味，而我就叫咗青提子味，因为本身就好钟意有汽既果汁，而睇返佢既成份更加系写无糖无加工，饮落去既水果味都好重。朋友都好钟意呢间舖头，话下次都要再嚟，睇返佢menu见佢都有做外卖服务，系观塘返工既朋友都可以试下！