Give Me 5 (已結業)

今晚嚟到观塘嘅Give Me 5，上到去环境好大呀，入到左边窗边有位置喺卡位，中间就喺长枱，成班朋友上嚟都够位gathering~我哋主菜叫咗美国斧头猪排配玉米糕伴苹果蓉黑醋酱同埋澳洲肉眼扒配野菌汁。猪排因为厚身d，所以店员落单个阵都话要等一阵，食𠮶阵仲有肉汁呀yumyum。牛扒嘅肉味比较浓，肉质嫩滑呀。等个阵紧喺饮住汤食住前菜等啦~有蒜茸法包同沙律吧。隔离仲有海鲜呀~有冻蟹、皇冠螺、青口同埋冻海虾。讲明喺串串烧，点可以唔食呀~有烧蚝、蛏子、带子、鸡肉串、猪肉串。而甜品同嘢饮都有好多选择，有平时少见嘅豆腐花添呀~餐厅入面仲有飞标机同桌球，下次可以几个人嚟，食一阵再玩下！