漁吉海鮮丼專門店

营业中

休息中

呢排天气咁热，食丼饭真系一个好选择，系牛头角拣咗呢间丼饭外卖。丼饭就已经set好晒冇得自选配料，不过仲有刺身，手卷同寿司拣。豪快海鲜丼 ($128)呢个丼饭材料丰富，同埋刺身都系厚身😍有三文鱼，油甘鱼，帆立贝，甜虾，吞拿鱼同蟹籽。刺身新鲜而且溶雪都做得唔错，三文鱼同油甘鱼都肥美有油脂。另外蟹籽铺满碗饭，食落爽爽地。仲有旧玉子，玉子好甜好好食！呢度既饭用咗珍珠米，醋饭黎讲唔算好酸。比目帆立丼 ($168)呢个丼算系火炙组口，有左口鱼裙边，帆立贝，三文鱼籽同蟹籽。左口鱼裙边同帆立贝既份量都唔少，而且帆立贝好大粒，鲜甜有厚度。火炙过既左口鱼裙边超正，啲油脂劲香，入口即溶，冇得顶🤩。